Жұдырықтай жұмылуымыз керек

Қазақстан халқы ассамблеясының ХХХІ сессиясын көппен бірге тамашаладық. Оған Мемлекет басшысы Қасым-Жомарт Тоқаев онлайн режимінде қатысты. Президентіміз этносаралық қатынасқа қатысты көптеген өзекті мәселенің басын шалды. Соның ішінде, біздің, Ассамблея мүшелерінің елде тұратын барлық этнос өкілдерінің бейбітшілігі мен достығын нығайта түсу жолында күш жұмылдыруымыз керек екенін айтты.

Қ.Тоқаев тілге тиек еткендей, «Жаңа Қазақстан» тұжырымдамасы мемлекетімізді дамыту бағытындағы маңызы аса зор жаңашылдық болғалы отыр. Оның үстіне, Ата заңымызға да өзгерістер мен толықтырулар енгізілмек. Әрине, мұның бәрі әзірге пысықталып, жан-жақты қаралып жатыр. Шындығын айтқанда, бұл қадамдар баршамыздың үмітімізді үстемелеп отыр. Ол үшін әр ұлт пен ұлыстың өкілі бес саусақтай бірігіп, жұдырықтай жұмылып, ел игілігі жолында талмай еңбек етуі керек.

Өмір сапасын жақсарту, ортақ үйіміз – Қазақстанымызды даму даңғылына бастау үшін ауызбірлікпен, ынтымақпен жарасып, тату тірлігімізді жалғастырып, Мемлекет басшысы міндеттеген тапсырмаларға ақадал қызметімізбен жауап беруге міндеттіміз!

Ринад БЕКТЕМИРОВ,

«Дуслык» татар-башқұрт этномәдени орталығы»

қоғамдық қорының төрағасы,

ҚХА мүшесі