Заңсыз тасымалға тосқауыл
Қостанайда полицейлер заңсыз тасымалдаушыларды анықтауды қолға алды. Арнайы рейдтер автобустар мен басқа да маршруттық көлік құралдары тоқтаған жерлерде жүргізіледі. Тек бір жұмыс күні ішінде тәртіп сақшылары аялдама және тұрақ ережелерін бұзғаны үшін жүргізушілерге 7 әкімшілік хаттама толтырды. Қостанай облысы ПД бастығының бірінші орынбасары полиция полковнигі Нығмет Ысмағұлов заңсыз тасымалдаушылардың проблемасы үнемі көтеріліп келе жатқанын атап өтті. Оларды шешу үшін бірлескен жоспар аясында тәртіп бұзушыларды анықтауға бағытталған тұрақты рейдтер жүргізіледі. Бұл құжатқа Қостанай облысының ПД, Қостанай облысының тасымалдаушылар қауымдастығы, сондай-ақ жолаушылар көлігі басқармасы қол қойды. Бұл туралы БАҚ өкілдерімен брифинг өткізген Қостанай облысы ПД жергілікті полиция қызметі бастығының орынбасары, полиция подполковнигі Виталий Цой мәлімдеді
– Жыл басынан бері маршруттық көлік құралдарының аялдама алаңдарында тоқтау ережелерін бұзғаны үшін 45 жүргізуші әкімшілік жауапкершілікке тартылды, – деді В.Цой.
Кәсіпкерлік қызметті жергілікті атқарушы органдарға хабарламай жүзеге асырғаны үшін жыл басынан бері 12 жүргізуші әкімшілік жауапкершілікке тартылды. Рейдтер облыс орталығының неғұрлым белсенді жолаушылар ағыны байқалатын жерлерінде жүргізіледі. Бұл Тобыл және Рудный қалаларына бағыт пен сондай-ақ көк базар аумағы. Заңсыз тасымалдаушылар топтасатын жерлерде патрульдеу күшейтілді. Сонымен қатар, полиция мұндай фактілер туралы 102 телефонына немесе "102" мобильді қосымшасына хабарлауды сұрайды, онда ішкі істер органдарының құзыретіне кіретін барлық фактілер бойынша хабарласуға болады. Арна тәулік бойы жұмыс істейді. Мобильді интернет бар облыстың кез келген нүктесінде қолжетімділік бар. Пайдаланушы қосымшада тіркелген ақпаратты мәтіндік хабарлама түрінде, медиа файлдарды қоса отырып, аудио қоңырау немесе бейне қоңырау арқылы жібере алады.
