Кімдердің жалақысы өседі?
2022-2025 жылдары аралығында бюджеттен қаржыландырылатын сала қызметкерлерінің жалақысы жыл сайын 20 пайызға өседі. Бұл туралы Қасым-Жомарт Тоқаев Қазақстан халқына Жолдауы барысында айтты.
«2020 жылдан бастап 600 мыңнан астам педагог пен дәрігердің, әлеуметтік сала қызметкерінің жалақысы өсті. Бірақ, бюджеттен қаржыландырылатын өзге сала азаматтары мұнан тыс қалды. Бұлар – музей қызметкерлері, мұрағатшылар, кітапханашылар, техникалық қызметкерлер, қорықшылар, көлік жүргізушілері және басқалары. Сондықтан 2022 жылдан 2025 жылға дейін мемлекет осы санаттағы азаматтық қызметкерлердің жалақысын жыл сайын орта есеппен 20 пайызға өсіретін болады. Тұтастай алғанда, тағы 600 мың отандасымыз бұл бастаманың игілігін көреді», – деді Мемлекет басшысы.
Сондай-ақ, Президент 1 қаңтардан бастап ең төменгі жалақы көлемі 60 мың теңгеге көтерілетінін айтты. Минимал еңбекақы 2018 жылдан бері өспеген еді.
