Мерекелік тарту – спорт алаңы
Бүгін Жітіқара ауданында воркаут элементтері бар спорт алаңының ашылу рәсімі өтті. Бұл – қаладағы көше тернажерлері бар жалғыз алаң.
Рәсімге аудан әкімі Н.Өтегенов, "Комаров тау кәсіпорыны" ЖШС атқарушы директоры К.Наурызов, мемлекеттік мекемелердің жетекшілері, жергілікті спортшылар, тұрғындар қатысты.
Алаң құрылысына 30 млн теңге жұмсалған. "Рухани жаңғыру" бағдарламасы аясында қолға алынған жобаға аудан бюджетінен 10 млн теңге бөлінген және "Комаров тау кәсіпорыны" ЖШС 20 млн теңге қосқан. Мұнда мүмкіндігі шектеулі жандардың жаттығу жасауына да мүмкіндік бар. 
Жалпы, Жітіқара қаласында 2018-2020 жылдары аралығында 31 балалар ойын алаңы кешені салынған. Биыл тағы 10 алаң орнату жоспарда бар.
Ал бүгінгі алаңды жітіқаралықтар Елорда күні қарсаңындағы және Тәуелсіздік мерейтойы жылындағы лайықты тартуға балап отыр.
