«Жыр алыбы – Жамбыл»
Осындай атаумен Ш.Уәлиханов атындағы №1 мектепте «Болашаққа бағдар: рухани жаңғыру» бағдарламасы аясында жампоз ақын Ж.Жабаевтың 175 жылдығына орай оқушылар арасында қашықтан жас ақындар мүшайрасы өткізілді.
Рухани шараның басты мақсаты – сөз мәйегін кие тұтқан абыз жыраудың шығармашылығын, рухани бай мұрасын жас ұрпаққа насихаттау.
Байқауға 21 үміткер қатысып, жас талаптардың қадамына белгілі айтыскер ақын А.Қалиев сәттілік тіледі. Мектеп оқушылары, ата-аналар, ұстаздар көрермен ретінде қамтылды. Нәтижесінде, бас жүлдені бастауыш буында 4 «А» сынып оқушысы А.Ғабдылғамит иеленсе, орта буында 6 «А» сынып оқушысы А.Зілғараева, жоғары буында 8 «Б» сынып оқушысы С.Құдайберген жүлделі орындардан көрінді.
Жүлдегерлер мадақтама және ақшалай сыйлықтармен, жетекшілері дипломмен марапатталды. Сондай-ақ, мектеп әкімшілігі байқауға демеушілік көрсеткен мектептің «Қамқоршылық кеңесінің төрайымы Г.Нұрғожина, мүшелері Б.Қаржауова, Б.Тұтқышов, Г.Құрбанова және С.Кәкенова, А.Сарымсақова, Г.Бимахан, О.Нурғалиева, Ж.Көкішева, Т.Байахмет сынды ұстаздарға алғыс білдірді.
Мұрат Жүнісұлы
Арқалық қаласы.
