775 шақырым жол жөнделді
2020 жылы көлік инфрақұрылымына рекордтық 68,5 млрд теңге жұмсалды, бұл 2019 жылғы көрсеткіштен 2 есе көп. Аймақ басшысы осы туралы есеп беру жиынында сөз етті.
"Бөлінген қаржы 775 шақырым автожолды қалпына келтіруге және жөндеуге мүмкіндік берді. «Ауыл – ел бесігі» арнайы жобасы шеңберінде жобаларды іске асыруға 2020 жылы 13 елді мекенде (Алтынсарин, Амангелді, Бейімбет Майлин, Денисов, Жангелдин, Қамысты, Қостанай, Меңдіқара, Науырзым, Ұзынкөл аудандарында) 59 объектіні жөндеуге 2,0 млрд теңге бөлінді. 13 елді мекеннің үшеуі серіктес және оны тірек болып саналады. Барлық жүргізілген жөндеу жұмыстарының арқасында, күзгі тексеру қорытындысы бойынша, жақсы және қанағаттанарлық жағдайдағы облыстық және аудандық маңызы бар жолдардың үлесі 69,0% – тен 75% – ке дейін артты", – деді А.Мұхамбетов.
