Арқалықта автодром салынады
Биыл Арқалық қаласында автодром пайда болмақ. Осы мақсатқа облыс қазынасынан 77 млн теңге қарастырылған.
![](https://old.kostanaytany.kz/wp-content/uploads/2021/01/perekrest.jpg)
"Бұған дейін Арқалық қаласы мен көршілес Аманкелді, Жанкелдин аудандарының жастары жүргізуші куәлігін алу үшін Қостанай, Нұр-Сұлтан қалаларына барып тәжірибелік сынақ тапсыратын. Бұл тұрғындарға қаржылық қиындықтарды айтпағанда ұзақ жол жүру, белгіленген уақытты күту сынды көптеген қолайсыздық тудыратын. Өңір тұрғындарының осы өтініштері облыс әкімі тарапынан ескеріліп отыр", – деді қалалық Тұрғын үй құрылысы, жолаушылар көлігі, автомобиль жолдарыжәне тұрғын – үй инспекциясының бас маманы Асылхан Қуанышбаев.
Қазіргі таңда автодром салу үшін ашық конкурс арқылы мердігер ұйымдардың өтініштері қабылдануда. Мердігер ұйым анықталған жағдайда алдағы мамыр-шілде айлары аралығында автодром құрылысын жүргізу жоспарланып отыр. Автодромға арнайы орын белгіленген. Қала іргесінен тың жерден салынатын болады.
![](https://old.kostanaytany.kz/wp-content/uploads/2021/01/a.kuanyshbaev-scaled.jpg)
Мұрат Жүнісұлы