Онлайн қабылдау: тұрғындар тілегі – тұрмысты жақсарту

"Nur Otan" партиясының қалалық штабы жанындағы қоғамдық қабылдау азаматтардың ұсыныс-ескертпелерін күн сайын онлайн режимде қабылдап жатыр.
Таза суға, ауаға және сапалы жолдарға, жайлы үйлерде тұруға әркімнің құқығы бар. "Nur Otan" партиясы тұрғындардың өмір сапасын жан-жақты жақсартсақ дейді. 
Қалалық мәслихат депутаттығына кандидат Сәндібеков Бағытбек Назарбекұлы қабылдау барысында тұрғындар айтқан мына ұсыныстар мен ескертпелерге ерекше көңіл бөлді:
– Жаңа үйлердегі балалар ойын алаңдарын кеңейтуді сұраймыз. Сондай-ақ, 8-інші шағын ауданда 22-үй маңындағы қоқыс пен құрылыс аумағын қоршау қажет.
– Әуежай шағын ауданында полиция бекетін қоюды және балаларға арналған медицина мекемесін салуды қарастырсаңыздар.
– 1-інші шағын ауданға назар аударуды сұраймыз. Жерасты өткелін жөндеуді, жарықтандыруды сұраймыз. Көлік ағылып жатқандықтан, "1-інші шағын аудан" немесе "9 ОМ" аялдамасынан жолды кесіп өту мүмкін емес,  бағдаршамдар алыс орналасқан, ал жерасты өткелі қараңғы уақытта жарықтандырылмайды және іші жиналмайды.
Барлық ұсыныстар шешім қабылдау және жауап беру үшін тиісті органдарға жіберілді.

«Nur Otan» партиясы Қостанай қалалық филиалының сайлау қоры қаражатынан төленді.