“Қостанай таңына” жазылу – баршамыздың міндетіміз” дейді федоровтық оқырмандар

Аудан әкімі Қайрат Ахметов

Сәуір айынан бері "Қостанай таңы" газеті  облыс аудандары мен қалаларында оқырмандармен кездесуін өткізуді жақсы бір дәстүрге айналдырды. Ондағы мақсат –  халықпен бетпе-бет жүздесу, ой бөлісу, пікір алмасу. Игі бастама әзірге өз бағытынан айныған жоқ. "Қостанай таңының" ұжымы осыған дейін Қостанай, Таран, Аманкелді, Жанкелдин, Алтынсарин, Сарыкөл аудандары мен Арқалық, Лисаков, Рудный қалаларына барып қайтты. Бұл жолғы бағыт теріскейдегі қос аудан- ежелден ауылы аралас, қойы қоралас жатқан Федоров, Қарабалық аудандары.

Газеттің Бас редакторы Жанұзақ Аязбекұлы бастаған редакциялық топ Федоров ауданында жылы шырайлы жүздесуге куә болды. Байыр-ғы Жаркөл өңірінде "Қостанай таңы" газетінің оқырмандары айтарлықтай көп емес. Өйткені мұндағы қаракөздеріміздің үлес салмағы бар болғаны 17 пайыздан сәл асады. Оның ішінде ана тілін әсте білмейтін қандастарымыз да бар. Солай бола тұрса да "Қостанай таңы" газетінің шынайы оқырмандары аз емес.  Федоров ауданындағы "Қостанай таңы" күндеріне осындай белсенді оқырмандарымыз жиналды. Алдымен аудан әкімі Қайрат Ахметов сөз алды. Бұл азаматты көпке таныстырып жа-ту артық. Нағыз ұлтжанды, іскер басшының облыстық газетке деген көзқарасы да түзу.  Оны біз мынадан байқадық:

– Федоров ауданындағы қазақтың саны 17 пайызға да жетпейтінін өздеріңіз жақсы білесіздер. Бірақ соған қарамастан, біздің ауданда да облыстағы қазақ баспасөзінің қарашаңырағы – "Қостанай таңы" газетінің оқырмандары бар екендігін айта кеткен жөн. Олар осында отыр. Менің өзім де күнделікті келген газетті қарап, қандай жаңалық бар екен деп ақтарып шығамын. Жалпы, газет бетінде әр өңірдің өзіне тән проблемалары жазылса екен деген тілегім бар. Мәселен, біздің Федоров ауданының өзінен де біраз проблема табуға болады. Сондықтан, біздің ауданымызға келіп, өзекті мәселелерді көтеру үшін Қарабалық па, иә болмаса осы Федоров ауданынан ба, бір тілші ұстасаңыздар деген ұсыныс айтқым келеді.

Аудан әкімі осылай деп ілтипат білдіргеннен кейін газетіміз-дің Директор-Бас редакторы Ж.Аязбекұлы басылымның бү-гінгі бет-бейнесі, тыныс-тіршілігі туралы кеңірек әңгімелеп берді. Федоровтық оқырмандар да өз тілектерін, лебіздерін,ұсыныстарын айтып, кездесу әжептәуір диалог алаңына айналды.

Роза Құлышбаева

Роза Құлышбаева, Федоров кентінің тұрғыны: Мен осы Федоров ауданында 51 жыл тұрамын. Ал орталық-қа көшіп келгенімнің өзіне алты  жыл  өтті. Өзім Меңдіқарада туып-өскенмін. Ұзақ жылдар бойы білім саласында еңбек еттім. Құдайға шүкір, қазақшылыққа бет бұрып жатырмыз. Қазақ мектебі ашылды. Жұрттың бәрі Федоров ауданын орыс екен, бәлен-түген екен дей-тін еді, қазір жағдай өзгерді. Аудандық газетке жыл да жазыламыз. Ал, "Қостанай таңы" газетіне көп болды жазылмағалы, өйткені қымбат… Осыдан кейін енді жазыламын. Неге десеңіз, облыста не боп жатқанын білгім келеді. Сондықтан, осы кездесуге келіп отырмын.

Бектемір Өміржанұлы

Бектемір Өміржанұлы,Федоров кентінің тұрғыны: Бүгін, міне, Сіздер келіп көңіліміз едәуір өсіп қалды. Әйтпесе бұрын аттарын естігеніміз болмаса редактор, тілші дегенді көрмейтін едік. Қадамдарыңыз құтты болсын, келіп жатқан! Таралымдарыңыз көп болсын! Газеттеріңіз-дің бет алысы жаман емес. Мен өзім алып, оқып отырамын. Тек жастар жағы орысша басылымдарға құмар, қазақ тілін дамытамыз десек, газетке жазылу керек деп есептеймін.

Мұратбек Нұрымов

Мұратбек Нұрымов, қазақ тілі мен әдебиеті пәнінің мұғалімі: Сіздердің газеттеріңіз-дің бетінде жарияланатын мақалалардың әр алуандығы таң қал-дырады. Әсіресе, жастардың өзекті тақырыпта жазған мақалаларын, жанайғайын халыққа жариялау жастар жанын түсіндіруге септігін тигізеді. Жанұзақ аға, Сізге сұрағым: Осы жариялан-ған мақалалар үшін қаламақы төлеу қарастырылған ба?

Жанұзақ Аязбеков: Егер газеттің қызметкері болса, онда жарияланған мақала үшін қаламақы төленеді. Ал авторларға ондай мүмкіндік қарастырылмаған. Бірақ, өзіңіз айтпақшы біз үнемі жастардың күнделікті тыныс-тіршілігін көрсетуге ұмтыламыз.

Әйкерім Сұлтанова

Әйкерім Сұлтанова, №1 орта мектептің мұғалімі:  Сіздермен қауышқаныма өте қуаныштымын. Өйткені, біздің өңірдегі мемлекеттік тілде ақпарат беретін "Қостанай таңы" – менің ең сүйікті газетім. Сіздер-дің шынайы жанашырларыңыз болып келемін. Аудандарды аралап жүргендеріңізді естіп, Сіздерді асыға күттім. Және бү-гінгі қуанышымда шек жоқ. Негіз-гі сұрағыма көшсем, газеттеріңіз күннен-күнге өзгеріп келеді. Алдағы уақытта тағы қандай жаңалықтарыңызбен қуантасыздар?

Жанұзақ Аязбеков: Газет міндетті түрде өзгеруі тиіс, дамуы керек. Бұл жағынан келгенде біздің де алға қойған мақсаттарымыз биік. Сол үшін жұмыс іс-теп жатырмыз. Біз келешекте сараптамалық материалдарды кө-бірек берсек деген ойымыз бар. Газетіміздің көлемін ұлғайтуды да көздеп отырмыз. Сондай-ақ танымдық материалдарға кө-бірек көңіл бөлсек деген жоспарымыз бар.

Мекка Ғаппарқызы

Мекка Ғаппарқызы, мұға-лім: "Қостанай таңы" газеті дүкендерде, дүңгіршектерде сатыла ма?

Жанұзақ Аязбеков: Мен осы қызметке келген күннің ертеңінде Қостанайдағы барлық дүңгіршектерге адам жіберіп, он-да газет бар ма екен деп тексерттім. Сонда бірде-бір дүңгір-шекте "Қостанай таңы" жоқ екен. Қазір, Құдайға шүкір, барлығында, біздің газет сатылымда бар. Оны жеткізуді біз өз мойнымызға алдық. Ал енді аудан орталықтарына біздің қолымыз жете қойған жоқ. Бұл біздің назарымызда болады. Алдағы уақытта қала әкімімен келісе отырып, Қостанайда "Қостанай таңының" өз дүңгіршегін ашпақ ойымыз бар.

Әдеттегідей Федоров ауданында да "Қостанай таңы" газетінің жанашырлар клубы құ-рылды. Оның төрағасы болып аудан әкімі Қайрат Ахметов тағайындалып, Алғыс хат пен арнайы куәлік табыс етілді. Сондай-ақ осы клубқа Наташа Жұпар, Гүлім  Сәлмен,  Әсия Нұрахметқызы мүше болды. Газеттің Бас редакторы үш адамды "Қостанай таңына" тегін жаздырту үшін клуб мүшелеріне сертификат табыс етті.

Ал Ержан Есмағамбетов, Аружан Қайыржан, Айдана Зейнина және Данагүл Жарыс сынды жоғары сынып оқушылары "Жас тілші" куәліктеріне ие болды.

 

Күннен күнге ажарланып келеді,

Күллі әлемнің ақпаратын береді.

Сүйікті айдар "Редактордың әлемін"

Оқи бергім,оқи бергім келеді…

 

Өзіңді оқып әр таңды атырамын,

Өзің жайлы жаза аламын батыл ән.

Ойға шуақ, бойға қуат беретін

"Қостанай таңы" газетіне,

Баршаңызды жазылуға шақырам.

                         Әйкерім Сұлтанова

 

Материалдың бейне нұсқасын "Қостанай таңы" газетінің сайтынан көре аласыздар.

 

Аталмыш жүздесуден түсірілген суреттерді осы арадан көре аласыздар