Азық-түлік себеті – аз қамтылғандарға

Облыстық Денсаулық сақтау басқармасы қашықтықтан оқыту кезеңінде, яғни қыркүйек-қазан айларында әлеуметтік тұрғыда аз қамтылған отбасылардан шыққан оқушыларды тамақтандыру туралы ақпарат жариялады.

2019-2020 оқу жылының 4 тоқсанында қашықтан оқыту кезеңінде облыстың 10 өңірінде тегін тамақтандырылуы тиіс 7 267 баланың отбасыларына 31 млн теңгеге азық-түлік себеттері беріледі.

Азық-түлік себеттерін келесі санаттағы оқушылар ала алады:

1) мемлекеттік атаулы әлеуметтік көмек алуға құқығы бар отбасылардан шыққан балалар;

2) мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасылардан шыққан балалар;

3) жетім балалар және ата-анасының қамқорлығынсыз қалған балалар;

4) төтенше жағдайлардың салдарынан шұғыл жәрдемді талап ететін отбасылардан шыққан балалар;

5) білім беру ұйымының алқалы органы айқындайтын білім алушылар мен тәрбиеленушілердің өзге де санаттары.

Бүгінде облыстың 20 өңіріндегі мектептердің 13 мың оқушысы мен тәрбиеленушілерінің ата-аналарынан өтініштер қабылданды. Әулиекөл, Амангелді, Қамысты, Қарабалық, Қарасу аудандарында, Қостанай, Лисаков және Рудный қалаларында 3 мыңға жуық азық-түлік себеті берілді. Осылайша, облыс орталығында осы жылдың30 қазанына дейін 1733 қостанайлық оқушы азық-түлік себетін алатын болады.