Өз үлесімізді қосамыз

Аманғали Төлебаев

Қарабалық ауданы әкімінің орынбасары:

Қызмет бабында жүргендіктен, мерзімді басылымдарды күніне бір рет қарап шығуға тырысамын.Қызықты мақалаларды құр жібермеймін. Жалпы, менің ойымша, адамның күнделікті тұрмысы, мораль тақырыбына жиі қалам тербесеңіздер, басылым соғұрлым оқыла түседі ғой деп ойлаймын. Сосын, күнделікті тұрмыста туындап жататын өткір проблемаларды жазсаңыздар екен. Кейде газеттерді ақтарып отырсаң, тілшілер тек қана "жаренный фактілер" іздеумен ғана айналысатындай көрінеді. Мүмкін ол да керек шығар, дегенмен газеттің ұрпақ тәрбиесіне тигізер септігі зор. "Қостанай таңы" газетінің оқырмандары көп болсын! Біздер соған өз шама-шарқымызша үлес қоса берейік.