20 дүкен иесі әкімшілік жауапкершілікке тартылды

Бұл кәсіпкерлерге елімізде жарияланған төтенше жағдай тәртібінде санитарлық-эпидемиологиялық ережелерді бұзғаны үшін материалдар ресімделіп, сот инстанциясына берілді. Атап айтқанда, тексеріс кезінде  сатушыларда маскалар, резеңке қолғаптардың болмағандығы, дүкендердің кіре берісінде  келушілердің қолдарын өңдеуге арналған антисептикалық құралдардың қойылмағандығы және үй-жайларда дезинфекциялық жұмыстардың нашар жүргізілгендігі анықталды.

 Полиция, СЭС, әкімдік қызметкерлерінен құралған рейдтік топ Құсмұрын, Новонежин, Әулиекөл, Аманқарағай сауда орындарында заң бұзушылықтарды тіркеді. Санитарлық-эпидемиологиялық ережелердің сақталмауын анықтау жұмыстары ауданда әлі де жалғасуда.