Жолаушылар дін аман
Кешелі бері ауа райының қолайсыздығына байланысты Меңдіқара ауданында да жолдарды қардан тазартуға 21 техника жұмылдырылып, осы бағыттағы жұмыстар әлі де жалғасуда.
Сондай-ақ, кеше Красная Пресня ауылы маңында автобус жолдың жиегіне шығып кетті. Автобусты қар құрсауынан шығару үшін Кировец тракторы шақыртылып, жолаушылары бар автобус аудан орталығына жеткізілді. Меңдіқара ауданының ТЖБ, полиция бөлімі және Боровской селосы әкімдігінің қызметкерлері осы бағыттың жолаушыларын қонақ үйлерге орналастырды. Автобус жол-пайдалану басқармасының жылы боксына жіберілді.
