Жеті мың жұмыс орны ашылады
Облыс басшысы өткен жылы жүзеге асырылған негізгі макроэкономикалық көрсеткіштер бойынша есепт берді.
Қостанай облысында индустрияландыру бағдарламасы сәтті жалғасып келеді. Әсіресе, машина құрастыру, металлургия, тамақ өнімдерін өндіру салалары айтарлықтай өскен. Қазіргі уақытта 1,5 трлн теңге болатын 37 инвестициялық жоба әзірленуде, шамамен 7 мың жұмыс орны ашылмақ.
– Елбасының шағын және орта бизнеске шағын кредит беру мүмкіндіктерін кеңейту жөніндегі төртінші әлеуметтік бастамасын іске асыру шеңберінде шағын кредит беру іске асырылуда.
Қалаларда шағын кредит беруге 1 301,2 млн теңге бағытталды. Облыста шағын несие берудің 2 өңірлік бағдарламасы («Атамекен Қостанай», Қос Қолдау) жұмыс істейді, оларды іске асыру кезінде 2,9 млрд теңге болатын 323 жоба қаржыландырылды, – деді облыс басшысы.
