Нарколог-дәрігерлер тапшы

Облыста. Өңіріміздегі 20 медициналық ұйымның жетеуінде ғана нарколог дәрігер жұмыс істейді. Бұл жайында облыстық прокуратурада өткен жиында мәлім болды. Облыстық денсаулық сақтау басқармасы таратқан ақпаратқа жүгінсек, Рудный қаласына екі, облыс орталығына төрт және Арқалық қаласына бір маман қажет. Бес дәрігер қосымша нарколог-дәрігер сертификатын алды. Алты емдеу ұйымында арнайы маман жоқ, сондықтан қабылдауды фельдшерлер мен медбикелер жүргізуде.