Әйел пойыздан құлап кетті

31 жастағы әйел қозғалыс кезінде тамбурдағы есіктен құлап кетті, – деп хабарлайды Tengrinews.kz тілшісі.  Оқиға 20 қыркүйекте таңғы 05.00 шамасында Алматыдан Қостанайға қатынайтын пойызда болған. 

"Шу станциясының желілік полиция бөлімшесіне Шығанақ-Мыңарал 1328-шақырымында жолаушылар пойызында 31 жастағы әйел вагондардың бірінің тамбурының есігінен құлап кеткен. Соның салдарынан ол жарақат алды", – деді көліктегі полиция департаментінің өкілдері. 

Әйел Приозер аудандық орталық ауруханасына жеткізілді. 

Осы дерекке қатысты сотқа дейінгі тергеу шаралары ҚР Қылмыстық кодексінің 344-бабы 1-бөлігі ("Темiржол, әуе, теңіз немесе өзен көлiгi жүрісі немесе оларды пайдалану қауiпсiздiгi қағидаларын бұзу, темiржол, әуе, теңiз немесе өзен көлiгi жүрісі немесе оларды пайдалану қауіпсіздігі қағидаларын орындайтын жұмысына немесе атқаратын лауазымына байланысты сақтауға мiндеттi адамның осы қағидаларды бұзуы, егер бұл іс-әрекет абайсызда адамның денсаулығына ауыр немесе ауырлығы орташа зиян келтіруге не ірі залал келтiруге әкеп соғу") бойынша іс қозғалды. 

Қазіргі уақытта тергеу шаралары жүріп жатыр.