«Жолда қабылдау» акциясы өтуде

19-20 шілдеде Қостанай облысында «Жолда қабылдау» атты республикалық акция өткізіледі, – деп хабарлайды облыстық полиция департаментінің баспасөз қызметі.

 

Екі күн бойы сағат 09:00-ден кешкі 19:00-ге дейін облыс тұрғындары мен қонақтары жол қауіпсіздігі мен көші-қон заңнамасына қатысты сұрақтар бойынша мамандардың кеңесін ала алады. 

Акция барысында қала тұрғындары жол-қауіпсіздігі, көші-қон заңнамасы, автокөліктерді тіркеу, жүргізуші куәлігін алу, жеке куәлік алу, төл-құжатты алу, автокөліктерге қосымша бөлшектер орнату және әкімшілік айыппұлдарды төлеу жөніндегі мемлекеттік қызметтерді көрсету жұмыстары бойынша құқықтық кеңес ала алады. 

Ведомство мәліметінше, Қостанай облысы бойынша азаматтарды қабылдауға арналған бірнеше бекет жұмыс істейтін болады. «Жолда қабылдау» акциясы өтетін орындар мен азаматтарды қабылдауға арналған бекеттердің қай қалада және қай жерде орналасқанын полиция департаментінің порталынан, әлеуметтік желідегі парақшаларынан білуге болады.

 

Шара Қостанай, Рудный, Лисаков, Арқалық, Жітіқара  қалаларында, аулаларда өткізіледі.

 

Шұға ҚОҢҚАБАЙ

Суреттерді түсірген Бердіболат Көркембаев