Ең үздігі – қостанайлық полицей
Облыстық маңыздағы қалалар арасында республикадағы үздік учаскелік инспектор болып қостанайлық полицей Жеделхан Нұрпейісов танылды.
ҚР Ішкі істер министрі генерал-лейтенант Ерлан Тұрғымбаев үздік учаскелік инспекторларды Нұр-Сұлтан қаласында салтанатты түрде марапаттады.
"Облыстық маңыздағы қалалар арасында үздік учаскелік инспектор" аталымы бойынша бірінші орынды, "Қазақстан Республикасының үздік учаскелік инспектор" дипломын, "Құқық тәртібін қамтамасыз етуге қосқан үлесі үшін" медалімен Қостанай облыстық Полиция департаментінің Қостанай қалалық ПБ учаскелік инспекторы полиция майоры Жеделхан Нұрпейісов иеленді. Сондай-ақ, оған 3 еңбекақы көлеміндегі қаржылай сыйлық берілді.
Естеріңізде болса, ІІМ ресми аккаунттарында елдің ішкі істер органдарының үздік учаскелік полицей атағынан үміттілердің тізімі жарияланған болатын. Әлеуметтік желілерде онлайн дауыс беру 2019 жылдың 1-8 шілде аралығында жүрді. Әр өңірден 17 үміткер қатысқан еді.
Қостанай облыстық Полиция департаментінің баспасөз қызметі
