Жетім көрсең жебей жүр
Бүгінде облысымыздағы жоғары және орта буын оқу орындарында білім алып жүрген жетім балалар баршылық.
Облыстық білім басқармасы балалықты әлеуметтік жағынан қорғау бөлімінің жетекшісі А. Баймақанованың айтуынша, жалпы алғанда, биылғы жылы 11 сыныпты бітірген тәрбиеленушілердің екеуі мемлекеттік грант бойынша жоғары оқу орнына, біреуі ақылы бөлімге, ал тағы екі тәрбиеленуші колледжге түсті.
– Негізінен балалар үйлері болмаса мектеп-интернаттарында немесе қамқоршылардың қарамағында тәрбиеленіп, мектеп бітірген жетім балалар көбіне облысымыздағы колледждер мен лицейлерде оқып, білім алғанды дұрыс көреді. Мәселен, үстіміздегі жылғы 9 сыныпты бітірген 130 бала облысымыздағы колледждер мен лицейлерге бюджет бойынша түсті. Балаларымыздың оқу орындарына түсіп, қандай да мамандықтың иесі болғанын қалағандықтан, оларды қадағалап, бақылап, мониторинг жасаймыз,-деді бізге маман.
Гүлназым Сағитова
