Кешенді сынақ тапсырды

Еліміз бойынша дін қызметкерлерін аттестациялау Қостанайда өтті. Оған Қазақстан мұсылмандары діни басқармасының төраға орынбасары, наиб мүфти, Түркістандағы кеңсе басшысы Алау Әділбаев, Дін істері және талдау бөлімінің меңгерушісі Нұрбек Есмағанбет бастаған комиссия облыс көлеміндегі дін қызметіндегі имамдар мен молдалардан емтихан қабылдады.   

– Бұл шараның мақсаты  – сынақ, емтихан арқылы қызметтен босату немесе шеттету емес, қазіргі заман талабына сай білікті де білімді кадрлар санын көбейту, – дейді А.Әділбаев.

 

Ал Н.Есмағанбет «Аттестация нәтижесіне қарай қызметкерлер білім деңгейіне сәйкес қызмет атқаратын болады», – дей келе, емтиханның жүргізілу тәртібі мен бағалау критерийлерін түсіндіріп берді.Сынақтың алғашқы кезеңінде «Ақида», «Фиқһ» және заң сұрақтары бойынша электронды жүйеде тест тапсырып, екінші кезеңде «Құран Кәрім (қирағат, тәжуид)», «Ислам тарихы (алғашқы кезең)» және төрт құжат бойынша сұрақтарға ауызша жауап беру форматында өтті.