Нығмет Ысмағұлов – полиция департаменті бастығының орынбасары

ҚР Ішкі істер министрінің бұйрығымен Нығмет Ысмағұлов Қостанай облысы полиция департаменті бастығының орынбасары болып тағайындалды.

Нығмет Ысмағұлов 1970 жылы Торғай облысында туған. Қазақ. Білімі жоғары. 2002 жылы А.Байтұрсынов атындағы ҚМУ-нің заң мамандығы бойынша білім алған. Құқық қорғау саласындағы жұмысын 1996 жылы бастады. 2012 жылдан бері Қостанай қаласы ІІБ басшысы қызметін атқарған.
2016 жылы кезектен тыс өткен сессияда Қостанай облысының әкімі Архимед Мұхамбетовтың бұйрығымен, мәслихат депутаттарының келісімі бойынша Нығмет Әуезханұлы Ысмағұлов жергілікті полиция қызметінің басшысы болып тағайындалды.