Елбасы: Жастар қандай болу керек?

Қазақстан Президенті өскелең ұрпаққа бірқатар кеңес берді, деп хабарлайды Zakon.kz.

Видеосұқбат ҚР Президенті Телерадиокешенінің паблигінде жарияланды.

"Адам өмір сабақтарын өзіне тәжірибе ретінде сіңіріп, сосын жастарға кеңес береді. Қазір біздің жастар бүкіл әлеммен қарым-қатынас жасап отыр. Жол да, шекара да ашық. Қалаған жерде білім алып, қалаған жерде тұрып жатыр. Көріп отыр. Ол жақтағы жағдай мен өзіміздегі жағдайды – барлығын көрді. Сондықтан да жастар ең алдымен нық білім негізін қалап алуға ұмтылулары қажет. Жастық шақ пен мүмкіндікті керексіз ойын-сауыққа жұмсамағандары жөн, олардың барлығы кейін келеді", – деді президент.

Оның айтуынша, жастар ең алдымен білімді болулары керек.

"Бәсекелестік тек мемлекеттер арасында ғана емес, әр бір адамның арасында жүріп жатыр. Осындай бәсекелстікте тек білімі жоғарылар жеңіске жетеді", – дейді мемлекет басшысы.

Еікншіден, жастар кез келген жұмыста өздерін жақсы қырынан көрсетулері қажет.

"Сол жұмысты жетік меңгеріп, өзінің шағын ғана ұжымында жетістікке жетіп, мойындатуы керек. Сондай-ақ, үшіншіден, бұл өмірде жетістікке жету үшін денсаулығы мықты болуы қажет. Өз денсаулығын сақтап, онымен айналысуы керек. Оны құртатын заттардан аулақ болған абзал. Төртіншіден, өз Отаныңды, халқыңды сүйіп, отансүйгіш болу қажет деп санаймын. Оның ішінде де, одан тыс та оған қызмет ету қажет", – деді Назарбаев.

Оның айтуынша, егер осындай адамды тәрбилесек, мемлекет пен жастардың болашағы алаңсыз болмақ.