Тамыз кеңесін onlaine жүйесінде тамашалады

Қостанайда өткен облыстың білім беру саласы қызметкерлерінің дәстүрлі тамыз кеңесі Сарыкөл ауданына online жүйесінде  көрсетілді. Оны тамашалауға аудан әкімі Эльдар Күзенбаев,  орынбасары Елжан Тұрабеков,  білім бөлімінің басшысы Ирина Науменко және мектеп директорлары мен ұстаздары  Ново-Урицк орта мектебіне жиналды.  

 

“Білім берудің инновациялық стратегиясы мемлекеттің, қоғамның және жеке тұлғаның тұрақты даму факторы” тақырыбында өрбіген келелі кеңестегі айтылған жәйттерді  жерлестеріміз де жіті назарда ұстады. Олар да өздерінше іске асырылған істер мен келешекте қолға алынатын қарқынды қадамдарға көз тастады. Яғни, келешекке кемел біліммен бару үшін оның алғы шарттарын жасады.  Айталық, аудан әкімі Эльдар Қонысбайұлының атсалысуымен біздің білім саласының қызметкерлері өңірдің білім саласына қатысты өзекті мәселелерді бірге талқылады.

Бір айта кетерлік қуанышты жәйт, аймақтық тамыз конференциясында облыс әкімі Нұралы Садуақасов марапаттаған үздіктердің қатарында сарыкөлдік, Ново-Урицк орта мектебінің директоры Светлана Самсонова да бар.  

 

Руслан Әлкеев

Сарыкөл ауданы