Тіл – достықтың дәнекері

Қазақстан халқы тілдерінің күніне орай "Мирас" мәдениет үйінде «Тіл барда – ұлт бар» атты кеш ұйымдастырылды. Іс-шара танымал шығармашылық ұжым «Карнавал» би ансамблі және облыстық қазақ, орыс  драма театрларының әртістерінің қатысуымен өтті.

Концерт барысында театр әртістері Тәжік елінің ежелгі ұлттық неке қию рәсімінен көрініс қойды. Сондай-ақ, украин, өзбек халықтарының әндері шырқалды. Білім саласының үздігі Тамара Королева ақын Сырбай Мәуленовтің өлең шумақтарын оқыды. «Карнавал» би ансамблі «Ата толғауы» биін билеп, көрерменге мерекелік көңіл-күй сыйлады.

Кеш соңында  көрермендерге әр халықтың дәстүрлеріне байланысты сұрақтар қойылып, дұрыс жауабын тапқан адамдарға сыйлықтар берілді.

 

Әсел ҚИБАШ