Жітіқарада ешкі фермасы ашылды
Жітіқара қаласының тұрғыны, кәсіпкер Руслан Булудов өз қаражатына Тобыл өңірінде тұңғыш болып ешкі фермасын ашты. Қазіргі таңда 100–ге жуық ешкіден сауылған сүті мен дайын өнімдеріне жергілікті тұрғындардың сұранысы жоғары.
Кәсіпкердің айтуына қарағанда, фермадағы ешкілердің дені сүтті, асыл тұқымды. Фермадан шығарылатын тауар кәсіпкердің жеке дүкендерінде сатылады. Бизнес өкілі облыс тұрғындарын сүт өнімдерімен қамтамасыз етуді жоспарға алған. Осы мақсатта, жер-жерлерден бірқатар дүкен ашпақ ниетте.
