Бүгін Ай тұтылады

Бүгін түнде қазақстандықтар ең ұзақ Айдың тұтылуын тамашалай алады, деп хабарлайды ҚазАқпарат.

Шілденің 27-нен 28-не қараған түні қазақстандықтар ең ұзақ Айдың тұтылуын тамашалай алады. Бұған дейін ҚазАқпаратқа бұл құбылыс туралы астролог Арман Штатбаев  айтып берген. 

«Айдың тұтылғанына жалаң көзбен қараудың еш қауіптілігі жоқ. Алайда психикалық ауытқушылығы бар адамдардың бұл құбылысты тамашалауына болмайды. Мұның әсерінен олардың мазасы кетіп, күйгелектеніп, депрессияға ұшырауы мүмкін. Сондай-ақ, бұл күні маңызды шешім қабалдамағандарыңыз дұрыс. Кикілжіңге жол бермеңіз», – деді астролог Арман Штатбаев.

Астрологтар бұл құбылысты «қанды тұтылу» деп атайды. Олардың айтуынша, Айдың тұтылуы Жер тұрғындарының өміріне әсер етуі мүмкін екендігін айтуда. Сонымен қатар, ғалымдар бұл құбылыс 15-17 жылда бір кездеседі. Ендігі тұспа-тұс келуі 2035 жылы болады. Марсты жердегі телескоппен көруге мүмкіндік туады дейді.