Тақтақ ақынға құрмет

Қостанай ауданы орталығындағы Нұржан Наушабайұлы атындағы мектеп-гимназияда осы білім ордасын есімі иеленген біртуар перзент, дүлдүл ақын, палуан, өткен ғасырдың замана жыршысының құрметіне мұражай ашылды. Бұл бастама оқу орны басшылығының көптен жоспарында болған, бірақ қаржының қол байлауынан жүзеге аспай жүрген науқан екен. Енді міне, «Рухани жаңғыру» мемлекеттік бағдарламасы аясында аудандық білім бөлімінің қолдауымен қолға алынып отыр.

 

«Мұражай – тарих айнасы» атауымен өткен салтанатты жиында шақырылған қонақтар сөз алып, бабамыз жайында біраз мағлұматтар берді. Наушабайдың Нұржанын тақтақ ақын деп бекер атамаған. Көзі тірісінде Петербор, Қазан қалаларында үш кітабының басылып шыққанын айта кетейік.

 

Ал музейдің өзі заманауи стильде жарақтандырылып, ішіне Қостанай ауданы Владимиров ауылындағы Наушабайұлына қойылған ескерткіштің көшірмесінен бастап, Алаш қайраткеріне қатысты мәлімет-ақпарат, заттармен толтырылған. Бір қызығы, музей есігінен кіргеннен біртуар тұлғаның әндерін тыңдап шығасыз.

 

Суреттерді түсірген Бердіболат Көркембаев