«Кешкі караоке» көңілді

Арқалық қаласы әкімдігінің жастар бастамалар орталығы  «Кешкі караоке» атты жаңа ойын – сауық бағдарламасын ұсынуда.

 Ойын төрт кезеңді қамтиды. Бастапқы кезеңде әнді әуенге ілесіп, жалғастырып айтқан төрт қатысушы караокемен ән айтып жарысқа түседі. Жеңімпазды көрермендердің берген дауысы анықтайды. 

 – Кештеріміз өте жақсы деңгейде өтіп, қала тұрғындарына көтеріңкі көңіл – күй сыйлауда. Мақсатымыз жастардың бос уақытын мағыналы ұйымдастырып, қоғамдық іс – шараларға тарту. Көпшіліктің қызығушылығын арттырған бұл жоба алдағы уақытта да өз жалғасын таба бермек, – дейді орталық жетекшісінің орынбасары Мөлдір Ермағамбетова.

  «Махаббат саябағы» алаңында өтетін думанды бағдарламаның барлық қатысушыларына ынталандыру сыйлықтары табысталады.

                                                                                  

Мұрат Жүнісұлы

Арқалық қаласы