Ет комбинаты іске қосылады
Арқалық қаласында жұмыс сапарымен жүрген облыс басшысы Архимед Мұхамбетов қалада салынып жатқан ет комбинатына соқты. 
Мұнда қазір құрылыс жұмыстарының қызған шағы. Биыл тамыз айына дейін комбинат іске қосылуы тиіс. Жоба құны – 900 млн теңге. Қазір нысанда 60 құрылысшы жұмыс істеуде, алдағы уақытта комбинатта 120 адам тұрақты жұмыс істейтін болады. 
Бұған келешекте Арқалық маңындағы ауылдар мен Аманкелді, Жанкелдин, Науырзым аудандарынан және көршілес Қарағанды мен Ақмола облысы аудандарынан ет әкеліп тапсыратын болады. Сондай-ақ, Жанкелдин ауданында осы комбинаттың ет қабылдау пункті ашылмақ.
