Мемлекеттің міндеті емес
Мемлекет мектеп оқушыларына тегін кітап таратуға міндетті емес. Астанада өткен баспасөз мәслихатында білім және ғылым вице-министрі Есенғазы Иманғалиев осындай мәлімдеме жасады, деп хабарлады "Tengrinews.kz" ақпараттық порталы.
"Қолданыстағы заңға сәйкес, тегін оқулықтар белгілі топтағы оқушыларға ғана тиесілі. Ал, ата-анасы бар, жағдайы жақсы оқушылар қажетті заттарын өздері алады. Олар үшін ешбір жеңілдіктер қарастырылмаған" – деді Е.Иманғалиев.
