Бірқатар нысан іске қосылады
Бүгін облыс әкімі Арxимед Мұxамбетов Лисаков қаласына, Денисов және Жітіқара аудандарына жұмыс сапары аясында бірқатар нысанның салтанатты ашылуына қатысады.
Соның бірі – Лисаков қаласындағы "Болашақ" атты жаңа балабақша. Нысан Қазақстан Республикасының Тәуелсіздік күніне орай тұсауын кесіп отыр.
"Тәуелсіздік күні қарсаңындағы игілікті істер жалғасып келеді. Міне, соның мемлекеттік-жекеменшік әріптестіктің арқасында бой көтерген балабақша қолданысқа беріліп отыр. Нәтижесінде, Лисаковтағы барлық бала мектепке және балабақшаға барады", – деді Архимед Мұхамбетов. 
Бүгін Архимед Бегежанұлы Денисов ауданының Алчановка мен Антоновка ауылдарындағы газды іске қосу рәсіміне қатысады. Сондай-ақ, Жітіқара ауданының Ырсай ауылында су құбыры пайдалануға беріледі.
