Жеті ұйымның жетістігі
Қостанай облысында соңғы сегіз жылдан бері Үкіметтік емес ұйымдардың байқауы ұйымдастырылып келеді. Биылғы байқау Тәуелсіздік күні қарсаңында қорытындыланып, жеті аталым бойынша жеңімпаздар марапатталды.
Салтанатты іс-шараға облыс әкімінің орынбасары Марат Жүндібаев қатысып, дәстүрлі байқаудың сәтті аяқталуымен құттықтады.
– Қазіргі күні ҮЕҰ-ға деген сұраныс артуда. Үшінші сектордың жұмысына мемлекет тарапынан қызығушылық жоғары. ҮЕҰ-ды мемлекеттік органдардың бірінші көмекшісі деп есептейміз. Біздің облысымызда 2011 жылы ҮЕҰ-ға арнайы ғимарат берілді. Қазір ол жерде он ҮЕҰ орналасқан. Ресурстық орталық та сол жерде. Көптеген ҮЕҰ-дар аталған жерден тегін кеңес алып, әдістемелік материалдармен таныса алады. Біздің бұл бастамамыз барлық республикаға үлгі. Бүгінгі іс-шараның мақсаты азаматтық қоғамның дамуына үлес қосып жүрген әріптестерімізге алғыс айтып, олардың жұмыстарына сәттілік тілеу. Өйткені, мемлекет пен ҮЕҰ-ның бірлескен әрекеті жақсы нәтиже беруде,-деді Марат Қонысбайұлы.
Облыста сегіз жыл бұрын 11 бағытта жұмыс істейтін 80 ҮЕҰ тіркелген екен. Бүгінде олардың саны 158-ге жетті және 20 бағыт бойынша жұмыс істеуде. Үшінші сектордың қазіргі аяқ алысы туралы облыстық ресурстық орталықтың жетекшісі Динара Өтебаева айтты.
-ҮЕҰ-дар түрлі салаларда қызмет етеді. Біздің облыстық ресурстық орталық он жыл бойы тұрақты түрде жұмыс істеп келеді. Біз осы жылдар ішінде мемлекеттік органдармен әріптестік қарым-қатынас орнаттық. Облыстық әкімдіктің қолдауының арқасында біздің ҮЕҰ-дар республикада жетекші орындардан көрініп жүр,-деді Д.Өтебаева.
Биылғы байқауға 44 өтінім түскен. Барлығы 33 ұйым қатысқан. Соның ішінде жетеуі жеңімпаз атанды. Байқау комиссиясының мүшесі Р.Бектұрғанованың айтуынша, қатысушылардың саны былтырғыдан көбейген. Олардың 10-15 пайызы жастар ұйымдары. Комиссия мүшесі Р.Бектұрғанова соңғы кездері ҮЕҰ-дың ұсақ-түйек шаралардан гөрі, маңызды шараларға мән бере бастағандарын айтты.
Салтанатты іс-шараға облыс әкімінің орынбасары Марат Жүндібаев қатысып, дәстүрлі байқаудың сәтті аяқталуымен құттықтады.
– Қазіргі күні ҮЕҰ-ға деген сұраныс артуда. Үшінші сектордың жұмысына мемлекет тарапынан қызығушылық жоғары. ҮЕҰ-ды мемлекеттік органдардың бірінші көмекшісі деп есептейміз. Біздің облысымызда 2011 жылы ҮЕҰ-ға арнайы ғимарат берілді. Қазір ол жерде он ҮЕҰ орналасқан. Ресурстық орталық та сол жерде. Көптеген ҮЕҰ-дар аталған жерден тегін кеңес алып, әдістемелік материалдармен таныса алады. Біздің бұл бастамамыз барлық республикаға үлгі. Бүгінгі іс-шараның мақсаты азаматтық қоғамның дамуына үлес қосып жүрген әріптестерімізге алғыс айтып, олардың жұмыстарына сәттілік тілеу. Өйткені, мемлекет пен ҮЕҰ-ның бірлескен әрекеті жақсы нәтиже беруде,-деді Марат Қонысбайұлы.Облыста сегіз жыл бұрын 11 бағытта жұмыс істейтін 80 ҮЕҰ тіркелген екен. Бүгінде олардың саны 158-ге жетті және 20 бағыт бойынша жұмыс істеуде. Үшінші сектордың қазіргі аяқ алысы туралы облыстық ресурстық орталықтың жетекшісі Динара Өтебаева айтты.
-ҮЕҰ-дар түрлі салаларда қызмет етеді. Біздің облыстық ресурстық орталық он жыл бойы тұрақты түрде жұмыс істеп келеді. Біз осы жылдар ішінде мемлекеттік органдармен әріптестік қарым-қатынас орнаттық. Облыстық әкімдіктің қолдауының арқасында біздің ҮЕҰ-дар республикада жетекші орындардан көрініп жүр,-деді Д.Өтебаева.Биылғы байқауға 44 өтінім түскен. Барлығы 33 ұйым қатысқан. Соның ішінде жетеуі жеңімпаз атанды. Байқау комиссиясының мүшесі Р.Бектұрғанованың айтуынша, қатысушылардың саны былтырғыдан көбейген. Олардың 10-15 пайызы жастар ұйымдары. Комиссия мүшесі Р.Бектұрғанова соңғы кездері ҮЕҰ-дың ұсақ-түйек шаралардан гөрі, маңызды шараларға мән бере бастағандарын айтты.
Іс-шараның соңында облыс әкімінің орынбасары М.Жүндібаев жетістікке жеткен жеті ұйымның жетекшілерін марапаттады. Жүлдегерлерді атап айтсақ:1.Қазақстан халқының бірлігін нығайту саласындағы үздік ҮЕҰ – «Қостанай облысындағы психологтар қауымдастығы» ҚБ (Қостанай қ);
2.Спорт және салауатты өмір салтын насихаттау бағытындағы үздік ҮЕҰ – «Үміт-Надежда» ҚБ (Қостанай қ);
3.Әлеуметтік жағынан аз қамтылған азаматтардың құқықтарын қорғау бойынша үздік ҮЕҰ – «Помощь» ҚҚ(Қостанай қ);
4.Жастармен жұмыс бойынша үздік ҮЕҰ – «Жастар-2012» ЖБ (Таран ауданы);
5.Қазақстандық патриотизмді қалыптастыру саласындағы үздік ҮЕҰ – Балалар мен жасөспірімдер ұйымдарының қауымдастығы» бірлестігі (Қостанай қ);
6.Азаматтық жауапкершілікті арттыру және нольдік төзімділік қағидасын қалыптастыру саласындағы үздік ҮЕҰ – «Күнтимес» ҚҚ (Сарыкөл ауданы);
7. «Жылдың үздік еріктісі» арнайы аталымында жітіқаралық 87 жастағы қария Владимир Задонский жеңімпаз атанды.
Қымбат ДОСЖАНОВА
Суретті түсірген Айбек ЖҮЗБАЙ.
