Жанармай қымбаттамайды
Тамыз айында еліміз бойынша жанармай мен дизельдік отынның бағасы өзгермейді. Бұл жайында бүгін Астанадағы Орталық коммуникациялар қызметінде өткен баспасөз жиынында ҚР Мұнай және газ министрі Ұзақбай Қарабалин мәлімдеді.
Министрдің айтуына қарағанда, жанармай бағасына түзету енгізу мәселесі қаңтар айынан бастап әр ай сайын көтеріліп келеді екен. Осы айдың 18 –інде кейбір БАҚ беттерінде жанармай бағасы қымбаттайды деген сыбыс жарияланған болатын. Мұнай және газ министрі ол ақпараттарды да жоққа шығарды.
Мешіт Ғазиз
