Әскерге шығарып салды
ҚР Қарулы Күштерінің қатарына шақырылған қостанайлық 25 бозбала әскерге аттанды. Олар Қарағанды қаласындағы №31775 әскери бөлімінде Отан алдындағы азаматтық борыштарын өтейтін болады. Болашақ сарбаздарды ата-аналары мен туған-туыстары және жергілікті билік басшылары салтанатты түрде шығарып салды. 
Жеңіс саябағында өткен іс-шара еліміздің Әнұранымен басталды. Жиналғандар саябақтағы мәңгілік алауға гүл шоқтарын қойып, Ұлы Отан соғысында қаза тапқан жауынгерлерді бір минут үнсіздікпен еске алды. Одан кейін Қостанай қаласы әкімінің орынбасары Назарбек Қонқабаев сөз сөйлеп, әскерге шақырылушыларға сәт сапар тіледі.
-Отанды қорғау – Қазақстан Республикасының кез келген азаматының өміріндегі маңызды әрі жауапты міндет. Құрметті әскерге шақырылушылар, біз сіздерге сенім артамыз. Ата-аналарыңыздың үміттерін ақтаңыздар,-деді Н.Қонқабаев.
Биыл Қазақстан Республикасы Қарулы Күштерінің құрылғанына 25 жыл толып отыр. Бұл белес еліміздің тарихында аса маңызды орын алады. Тәуелсіз Қазақстанның Қарулы Күштері бүгінде елдің қорғаныс қабілетін нығайтуда.
Биыл Қазақстан Республикасы Қарулы Күштерінің құрылғанына 25 жыл толып отыр. Бұл белес еліміздің тарихында аса маңызды орын алады. Тәуелсіз Қазақстанның Қарулы Күштері бүгінде елдің қорғаныс қабілетін нығайтуда.
-Әрбір мемлекеттің өзінің жері, елі бар. Сол елдің тыныштығын сақтайтын әскері бар. Осыдан 25 жыл бұрын, 7 мамыр күні Жоғарғы бас қолбасшымыз Н.Назарбаев өзінің үкімімен ҚР Қарулы Күштерін құрды. Аталған мерзім ішінде бірнеше реформалар жүргізілді. Қазіргі таңда Жоғарғы Қолбасшы мен мемлекет тарапынан әскерге жақсы көңіл бөлінуде,-деді Қостанай қаласы Қорғаныс істері жөніндегі басқармасының бастығы Мұрат Ершенов.
Қымбат ДОСЖАНОВА
Суретті түсірген Айбек ЖҮЗБАЙ.
Суретті түсірген Айбек ЖҮЗБАЙ.
