«Мас жүргізуші – қылмыскер»
Қостанай облысында 25-27 шілде күндері «Мас жүргізуші – қылмыскер» шарасы кезінде 100- ден астам жол ережесін бұзу деректері тіркелді.
Облыстық ішкі істер департаменті баспасөз қызметінің мәлімдемесіне сүйенсек, осы аралықта 62 жүргізуші ішімдік ішіп, көлік жүргізген. Енді олар сот шешімімен екі және оданда көп мерзімге темір тұлпар тізгіндеу құқығынан айрылмақ.
Сондай-ақ, жылдамдықты шектен тыс асырған 198, қарсы бағытқа шыққан 2, жаяу жүргіншілерге жол бермеген 5 автокөлік иелері әкімшілік жауапкершілікке тартылды.Оның сыртында 200 тұрғынға қауіпсіздік белбеуін тақпағаны үшін хаттама толтырылған.
Шара барысында өңірде 3 жол апаты салдарынан 2 адам бақилық болып, 1 адам ауыр жарақат алғаны белгілі болды.
Мешіт Ғазиз
