Қоғамдық көліктер тегін Wi-Fi интернетке қосылды
Қостанайдағы автобустардың біріне сымсыз интернет қызметі іске қосылды.
Тегін Wi-Fi қызметін қоғамдық көліктерге орнатуды еліміздегі белгілі байланыс операторы қолға алған. Әзірге, Wi-Fi тек пилоттық режимде жұмыс істейді.
Енді, қала тұрғындары діттеген жеріне жеткенше жол бойы уақыттарын пайдалы істермен өткізе алады. Жаңалықтар оқып, поштаға түскен хаттарды тексеріп, әлеуметтік желілерде хат алмасып немесе ғаламтордан қажетті кітаптарын тауып оқып, уақыттарын тиімді өткізуіне болады.
Компания операторларының айтуынша, тамыз айының ортасында бұл жобаның арнайы тұсау кесері өтеді. Осы кезде қандай бағыттағы автобустарға Wi-Fi желісі орнатылатыны белгілі болмақ.
Шұға Қоңқабай
Суретті түсірген Бағдат Ахметбеков
