Ардагерлер балғындармен кездесті
"Ата" қоғамдық қорының бір топ ардагерлері генерал Самат Бәкіров атындағы жазғы демалыс лагерінде демалып жатқан облыстық балалар үйінің балғындарымен кездесті.
Балалар алыстан ат терлетіп жеткен аталарын құшақ жая қарсы алды. Келген меймандарды таласа-тармаса қоршап, майдан шебінде өткен әңгімелеріне қаныққан бүлшіндер өздерінің дайындаған тосын сыйларын ортаға салды. Балалар мың бұрала би билеп, әннен шашу шашты.
Бүгінгі ұрпақтың өнерге деген құлшынысы мен әсем табиғаттың кереметтігін тамашалаған қариялар қор төрағасы Марат Қабдысалықовқа дән риза болысты.
Айбек Жүзбай
