Қазақ әндері әуеледі
Сарыкөл аудандық мәдениет үйінде Тәуелсіздіктің 25 жылдығына орай өзге ұлт өкілдері арасында тұңғыш рет қазақ әндерінің фестивалі өтті.
«Менің елім – менің болашағым!» атты тақырыптағы шараға Чехов, Лесной, Тимирязев, Крылов, Сорочин, Краснодон, Комсомол, Весело-Подол, Севастопол сынды ауылдардан, аудан мектептері мен колледжден өнерпаздар қатысты. Олар патриоттық тақырыпта ән шырқап, сахналық мәдениет, әртістік шеберлік және дауыс ерекшеліктерін көрсетті. Сондай-ақ, өнерге, қазақ тіліне деген қызығушылықтарын байқатты.
Фестивал соңында аудандық мәдениет және тілдерді дамыту бөлімінің бас маманы Гүлбаһра Елеуова қорытынды сөз сөйлеп, қатысушыларға диплом және ақшалай сыйлықтарды табыс етті.
Руслан ӘЛКЕЕВ,
Сарыкөл ауданы
