Партия конференциясы өтті

Сарыкөл ауданының әкімі Эльдар Күзенбаевтің төрағалығымен «Нұр Отан» партиясы аудандық филиалының 23-есеп беру-сайлау конференциясы өтті.Конференция жұмысына «Нұр Отан» партиясы Орталық Аппараты ұйымдастыру-бақылау жұмысы Департаментінің инспекторы, Қостанай облыстық филиалының кураторы Дәурен Бижуманов пен «Нұр Отан» партиясы облыстық филиалы төрағасының бірінші орынбасары Ғазиз Бекмұхамедов қатысты. Сондай-ақ, бас-аяғы 70 делегат болды.

Күн тәртібінде «Нұр Отан» партиясы аудандық филиалының 2015-2016 жылдардағы Саяси кеңес есебі тыңдалды. Ол туралы аудан әкімі, аудандық партия филиалының төрағасы Эльдар Күзенбаев баяндады. Бұдан бөлек, 7 партия мүшесі атқарған жұмыстары жайында сөз етті. Сондай-ақ, саяси кеңес құрамы жаңарып, алдағы жұмысы нақтыланды, облыстық конференцияға қатысатын делегат мүшелері сайланды.

Кездесу соңында Ғазиз Ерболатұлы ақпараттық шолу жасады. Партия өкілдеріне алдағы уақытта да нәтижелі жұмыс істеп, биіктерге жете беруге және Тәуелсіздік тойын ойдағыдай атап өтуге тілектестігін жеткізді. Сондай-ақ, Елбасы, Партия төрағасы Нұрсұлтан Әбішұлы Назарбаевтың сындарлы саясатын жүзеге асыруға атсалысып, атқарылған мәдени-көпшілік шараларға белсене қатысқаны және азаматтық белсенділік танытқаны үшін «Нұр Отан» партиясының Қостанай облыстық филиалы атынан Қаду Сақауов, Телсара Жұмабаева, Ерлан Сманов, Елена Данилова және Татьяна Тыртышняя сынды нұротандықтарға алғыс хат табыстады. Ал, Дәурен Еркенұлы бір топ адамдарға жаңа үлгідегі партиялық билеттер үлестірді.

 

Руслан ӘЛКЕЕВ.

Сарыкөл ауданы.