Мүгедектер би арбасына қол жеткізді
Қаламыздағы "Үміт-Надежда" қоғамдық қоры былтыр би спортымен шұғылданатын мүгедек жандар үшін арнайы арбаның қажеттігі жайында облыс әкіміне өтініш білдірген болатын. Билік басындағылар да кембағал жандардың бұл өтінішін аяқасты етпей, бес бірдей биге арналған мүгедек арбасын сыйға тартты.
Арнайы арбалар республикалық және халықаралық турнирлардың жүлдегерлеріне табысталды. Енді олар 21 тамызда мүгедектер арасында өтетін облыстық би байқауына жаңа арбаларымен қатысатын болады.
