Маусымның алғашқы жәрмеңкесі (ФОТОРЕПОРТАЖ)

Бүгін Сити-Орталықта ауыл шаруашылық өнімдерінің жәрмеңкесі өтті. Маусымның алғашқы жәрмеңкесіне алыс-жақын аудандардан 150 тоннаға жуық табиғи тауар әкелінген. Барлығы да ветеринарлық анықтама қағаздарымен келіп, сатылымға рұқсат алған. Сондай-ақ, сауда-саттық алаңыда көшпелі-зертхана көлігі де бар. Тұтынушылар кез келген өнімді тексерістен өткізіп, тазалығына көз жеткізе алады.

-Ветеринария басқармасының дәрігерлерінің бәрі осында. Таңғы сағат 07.00-ден бастап, тауарларды түгел тексерістен өткізді. Рұқсат қағазы жоқ саудагерлер мұнда кіре алмайды. Бәрі қатаң бақылауда. Ауыл шаруашылық өнімдері іргедегі тоғыз ауданнан әкелінген. Әзірше қаншаға жуық сатылғаны белгісіз, бірақ көріп тұрғаныңыздай, сауда өте қызу жүруде. Тұрғындар жәрмеңкені сағынғаны көрініп тұр,-дейді Ветеринария басқармасының тамақ қауіпсіздігі бөлімінің басшысы Бауыржан Бекетов.

Әдеттегідей жұмыртқа мен қантқа, етке және көкөністерге деген сұраныс көп. Ұзын-сонар кезек тізіліп, жұртшылық асыға алып жатты. Назарларыңызға табиғи өнім жәрмеңкесінен суреттерді ұсынамыз.