Кәсіп ашқысы келетін  жастар көбейді

Қостанай облысында кәсіпкерлікпен айналысқысы келетін жастардың саны артқан. Бұл туралы облыстық баспасөз клубында өткен брифингте «Даму» қорының Қостанай облысындағы филиалының директоры Замира Оразбаева айтты. 
Аталған брифингте «Даму» қоры ҚОФ-ның мамандары 2015 жылы жүзеге асырған жұмыстарын қорытындылады. Соның ішінде бизнес бастауға ынтасы бар жастар туралы ерекше атап өтілді. 
-Кәсіпкерлікпен айналысқысы келетін жастардың саны жылдан-жылға көбеюде. Қордың қызметін пайдаланушылардың 31%-ы – 29 жасқа дейінгі азаматтар. Бұл қуантарлық жағдай. Себебі, жастар – еліміздің болашағы, шағын және орта бизнестің дамуына үлес қосатын тұлғалар,-деді «Даму» қорының Қостанай облысындағы филиалының директоры Замира Оразбаева. 

 

Қымбат Досжанова.

Суретті түсірген Айбек Жүзбай.