Қостанайлықтар жеңіске жетті
26-28 маусым аралығында Қостанайда волейболдан ҚР ІІМ чемпионаты болып өтті. Спорттық іс-шара Қазақстан полициясының құрылғанына 22 жыл толуына арналды. Жарыста алаң иелері – Қостанай облыстық ІІД құрамасының мерейі үстем болды(суретте).
Жартылай финалға төрт команда шықты. Қостанай ОІІД командасы бірінші орынға және 500 000 теңге көлеміндегі бас жүлдеге, Ақмола облысының ІІД екінші орын мен 300 000 теңгеге, Оңтүстік Қазақстан облысының ІІД үшінші орын мен 200 000 теңгеге ие болды. Ойындар қорытындысы бойынша үздік ойыншылар анықталды.
ОІІД бастығы полицияның генерал-майоры Тілеген Мәткенов жеңімпаздарды медальдар және кубоктармен марапаттады. Чемпионатқа қатысқан әр командаға ескерткіш сыйлықтар, фотоальбомдар мен грамоталар табыс етілді.
