Облыс әкімі мүмкіндігі шектеулі жандармен кездесті
Бүгін, 3-желтоқсан халақаралық мүмкіндігі шектеулі жандар күні. Айтулы датаға орай Қостанай облысының әкімі Архимед Мұхамбетов өңірдегі мүмкіндігі шектеулі азаматтармен кездесті.
Облыстағы мүгедектердің хал-ахуалы және олардың қоғамға бейімделуі туралы деректер көрмеге қойылды. Өңір басшысы мүгедектерге жасалып жатқан жағдайлармен танысып, олардың мәселелерін де тыңдады.
Облыстағы мүгедектердің хал-ахуалы және олардың қоғамға бейімделуі туралы деректер көрмеге қойылды. Өңір басшысы мүгедектерге жасалып жатқан жағдайлармен танысып, олардың мәселелерін де тыңдады.
Соңғы деректерге сай, облыс бойынша 27 248 мүмкіндігі шектеулі азамат бар. Соның ішінде 2 415-і балалар. Биыл мүгедектерді әлеуметтік жағынан қолдау мақсатында қаржыландыру көлемі 76%-ға артты. 
Сондай-ақ жыл басынан бері 56 мүгедек студентке оқу ақысын төлеу мақсатында әлеуметтік көмек көрсетілді.
-Елбасының кемеңгер, сарабдал саясатының арқасында мүмкіндігі шектеулі азаматтарға көп көңіл бөлінуде. Еліміздегі барлық мүгедектерге әлеуметтік көмек көрсетіліп жатыр. Облысымыздағы мүмкіндігі шектеулі азаматтардың қоғамдағы атқарып жатқан қызметтері және бастамаларымен таныстым. Әсіресе, споршыларымыздың паралимпиада ойындарындағы жеткен жетістіктері көңіл қуантады,-деді облыс әкімі А.Мұхамбетов.
Қымбат Досжанова
Суретте: іс-шарадан көріністер;
Суреттерді түсірген Бағдат АХМЕТБЕКОВ.
Суретте: іс-шарадан көріністер;
Суреттерді түсірген Бағдат АХМЕТБЕКОВ.
тамаша
Өте жақсы! Осындай басшылар көп болсын! Мүмкіндігі шектеулі жандарды қолдау да қолпаштау да жие болып тұруы керек. Оларға барынша көмек қолымызды созудан жалықпауымыз қажет. Оларға қарап тұрып таң қаламын, осындай керемет дүниелерді қалай ғана жасайды екен? Кейбір адамдар 12 мүшесі сау бола тұра әрбір алтыннан да қымбат минуттарын текке ұйқымен өткізіп, еш пайдасы жоқ нәрселерге жұмсайды. Бір қиындық бол қалса жылап Аллаға не жаздым деп налиды. Осыларға қарап олар сабақ алуы керек деп ойлаймын. Ертеңге күндеріне сеніммен қарайтын нағыз осы кісілер!