“Рыцарьлар турнирі – 2014”

Дәл осындай аталыммен Челябі мемлекеттік университеті Қостанай филиалында сайыс өтті. Сайыс өзіміз үйренген  кәдімгі  жігіт  сұлтаны іспетті. Тек аталмыш оқу орны жыл сайын  жарыстың  атауы  мен   құрылымына  біршама  тың  өзгерістер  енгізіп, түрлендіріп  келеді. 10 сері бақ сынасқан  байқаудың мақсаты – жігітке тән қажырлық, еркіндік, қайырымдылық сынды қасиеттерге ие бүгінгінің сегіз  қырлысын  анықтау.

 Байқау  бес  сайыстан тұрды.  Біріншісінде  жігіттер өздерін әйгілі рыцарьлар (мәселен Трис-тан, Айвенго)  есімдерімен таныстырып, жауынгерлік ерліктері мен басты қасиеттері  жайлы  таныстыру  рәсімін  көрсетті. Өз  білімдерін  интеллектуалдық  сайыста  паш етіп, өнерлерін  сахналық  қойылым, ән-би, нәзік жандыларға арналған  арнау өлеңдері  арқылы тарту етті.

Бәйгенің  ерекше тұсы – тақырыптан  бір сәт  ауытқымай,  сайыскерлердің әр бөлімде  рыцарьлық дәуірдің келбетінің   элементтерін  ұсынып  отырды. Сайыс қорытындыларына келсек, барлық  қатысушылар  түрлі аталым  бойынша  марапатталды.

Сымбат СМАҒҰЛОВА.