Мерекелік медалдар
Ұлы Жеңістің 70 жылдық құрметіне орай 214 сарыкөлдік соғыс және тыл ардагерлері мерекелік медалдарды кеуделеріне тақты.
Алдымен, аудан әкімі Эльдар Күзенбаев Лесной ауылында тұратын соғыс ардагері Василий Мухачев пен оның жұбайы, тыл еңбеккері, ардагер ұстаз Нина Дмитриевнаға естелік награданы табыстады. Оған қоса майдангерге тегін дәрі-дәрмек алатын 25 мың теңгенің көліменідегі сертификатты берді.
– Сіздерге бұл мерекелік медалді тапсыру мен үшін үлкен құрмет. Себебі, ерліктеріңіз өлшеусіз. Ұзақ ғұмыр сүріңіздер, Сіздер бізге ерекше қымбатсыздар, – деді Эльдар Қонысбайұлы.
Сондай-ақ, ардагергерлерді аудандық мәслихат хатшысы Күләш Базарбаева құттықтап, халық қалаулыларының атынан ақшалай сый-сыяпатпен марапаттады.
Руслан ӘЛКЕЕВ.
Сарыкөл ауданы.
