Қоныс тойын тойлады

Елбасы Н.Назарбаевтың Қазақстан халқына арнаған «Нұрлы жол – болашаққа бастар жол» Жолдауында қолжетімді баспананың құрылысы тиімді жүргізу жөнінде үкіметке жаңа міндет жүктеген еді. Сол тапсырмаға сәйкес  өңірді дамытудың 2020 жылдарға арналған бағдарламасы жасалып, әлеуметтік тұрғын үйді жалға алу үшін бірнеше жеңілдіктер қарастырылды.

Соның негізінде Ұлыстың ұлы күні қарсаңында Астана, Алматы, Көкшетау, Семей, Қостанай қалаларында бір сәтте тұрғын үйге мұқтаж бірнеше жан жаңа қонысқа ие болды.

Қостанайдағы «Арман» тұрғын үй кешені аталатын «БК-строй» компаниясы салған 11 пәтерлі ғимараттың жалпы аумағы 749 ш.м. құраса, бір шаршы метрі 862 теңгенің көлемінде. Осы қуанышқа кенелгендердің дені – көп балалы отбасылар, мүгедек баласын бағып отырған жандар, мемлекеттік және бюджеттік мекеме қызметшілері болатын.

Олардың қуанышын бөлісуге өңір басшысы Нұралы Садуақасов арнайы келіп құттықтап, қоныс тойын атап өткелі жатқан шаңырақ иелеріне игі тілегін жеткізді.

 

Нұрболат МЕШІТБАЕВ.