“Газет– менің көзім, құлағым”

Бұл еңбек ардагері Мереке Ахметованың сөзі

Жасы 85-ке келген әжей Мереке Ахметова "Қостанай таңы" басылымының байырғы оқырманы. Оның жолдасы Досқали Ахметұлы көзі тірісінде аталмыш газетке тұрақты түрде жазылған. Отағасының жарық дүниеден өткеніне де он жыл болады. Ал әжеміз облыстық баспасөздің қара шаңырағынан қол үзген емес. 

– Теледидардан көрген дүниенің бірін түсінсем, бірін түсінбеймін. Сондықтан керегімді газеттен іздеймін. Газет-менің көзім, құлағым. Облысымыздағы жаңалық, хабар-ошар, бәрін-бәрін осы басылымнан біліп отырамын. "Қостанай таңы" менің он жылдан бергі серігім.  Әрбір айдың нөмірлерін бөлек-бөлек жинап қоямын. Бұрыш-бұрышын қалдырмай оқып шығамын. Әсіресе, спорт туралы мақалаларды жіберген емеспін. Өзім "Тобыл" футбол командасының жанкүйерімін. Сондықтан қостанайлық футболшылардың ойынын қалт жібермеймін,– деді қарт ана Мереке Ахметова.