Ұстаздық еткен жалықпас

Астана қаласында өткен сырттай байқауда Жасбуын орта мектебінің тарих пәнінің мұғалімі Жадыра Серкешова, дене тәрбиесі пәнінің мұғалімі Аслан Садықовтың еңбектері бағаланды. Қос ұстаз аудандық, облыстық, республикалық сайыстардың жеңімпазы.  Өткен жылдың желтоқсан айында «ZIAT» ғылыми-әдістемелік орталығының ұйымдастыруымен «Педагогикалық ізденіс» атты ІІ халықаралық оқытушылар сайысында  «Сабақ» номинациясы бойынша қос мұғалімнің жұмысы І-орынға ие болды. Сонымен қатар шәкірттері де ұстаздарын білімдегі табыстарымен қуантып жүр.  Мысалы,  Жадыра Болатқызының оқушысы Асқар Досымхан «Жас ғалым» атты оқушылардың республикалық сайысына қатысып, «Ғылымға деген құштарлығы» номинациясында ІІ-орын алды. Шәкірт тәрбиелеу саласында еңбек етіп жүрген ұстаздарымызға тек қана биік жетістіктер тілейміз.

Закия МЫРЗАХМЕТОВА,

Жасбуын  орта мектебінің қазақ тілі пәні мұғалімі.

Қарасу ауылы,

Аманкелді ауданы.