Антон жолдамадан үміт үзген жоқ

Қостанайлық боксер Антон Пинчук «AIBA Pro Boxing» турнирінде Германиялық қарсыласы 28 жасар Эмир Ахматовичті тізе бүктірді. Бұл жолы 91 келі салмақ дәрежесіндегі боксшылар Италияның Катания қаласында айқасқан болатын.

Рейтингтік жекпе-жекте бірінші раунды Ахматовичтің пайдасына шешілсе, одан кейін Пинчук кездесудегі тізгінді өз қолына алды. Есеп 3-0 (59:55,59:55, 59:55). APB жобасының бұл кезеңінде қос боксшы бірінші рет кездесіп отырған жоқ. Қараша айында өткен жұдырықтасуда даңқты жерлесіміз намысты қолдан бермеген болатын.

Бұл кезеңдегі чемпиондық атақ пен белбеу Ресейлік боксшы Алексей Егоровқа бұйырғанымен Антон Олимпиадаға жолдамадан үмітін үзген жоқ.

 

Қуаныш Есқабыл